Yeni Samsung Galaxy A73 ağ rəngdə təqdim edilib. Güclü parametrləri və əlverişli qiyməti ilə seçilən smartfon istifadəçiləri tərəfindən çox sevilir. Cihaz keyfiyyətli şəkillər yarada, tapşırıqlarınızı sürətli yerinə yetirə bilir. Böyük ekran görüntünü parlaq ötürür. Vacib faylların saxlanılması üçün 128 GB daxili yaddaş mövcuddur.

Görünüş

Galaxy A73 White arxa tərəfdən mat plastiklə örtülüb. Ön panel cızıqlara davamlı olan şüşədən hazırlanıb. Korpus IP67 qorunma dərəcəsinə sahibdir. Bu o deməkdir ki, smartfon su altında 30 dəqiqəyə qədər qala bilər və toza davamlıdır. Gövdənin alt hissəsində əsas dinamik, mikrofon və USB Type-C yerləşir. Sağ tərəfdə səs və güc düymələri. Üst hissədə isə danışıq üçün ikinci mikrofon, dinamik, 2 ədəd nanoSIM və ya 1 nanoSIM + 1 microSD kart üçün slot mövcuddur. 

Smartfondan rahat istifadə edə bilməyiniz üçün displeyin ölçüsü 6.7" düymə qədər artırılıb. Super AMOLED displey rəngləri düzgün və parlaq ötürür. Təbii görüntüdən zövq alacaqsınız. Ekran tezliyi 120 Hz təşkil edir. Dinamik səhnələrdə yüksək detallıq qorunur. Parlaq rənglər sayəsində görüntü real ötürülür. Samsung Galaxy A73 ekranın üst hissəsində kamera üçün O-şəkilli kəsik var. Maksimal parlaqlıq 800 nit təşkil edir. Günəş işığı altında olsanız belə kontent rahat oxunur. Always On Display funksiyası dəstəklənir.  

Məhsuldarlıq və Avtonomluq

Smartfonu daha məhsuldar etmək üçün Samsung cihaza Snapdragon 778G 5G prosessorunu quraşdırıb. Nəticədə, qrafikanın sürəti 82% qədər artırılıb. Galaxy A73 ağır tətbiqləri sürətli işə salır, kamera sisteminin keyfiyyətini artırır. Ekranı sürətli sürüşdürəndə, tətbiqlər arasında keçid edəndə görüntü donmur. Uzun müddət ərzində mobil oyun oynasanız belə smartfonun gövdəsi isinməyəcək və interfeys stabil işləməyə davam edəcəkdir.

Batareyanın həcmi 5000 mAh-dır. Smartfonun enerjisi adi istifadə rejimində 2 gün ərzində tükənməyəcək. Əlavə olaraq prosessor enerjinin səmərəli sərf edilməsini təmin edir. Telefondan aktiv istifadə etsəniz belə günün sonunda batareyanın enerjisi 40%-dan aşağı olmayacaq. 25 Vt adapter ilə cihazı 1 saat ərzində 100% qədər şarj etmək mümkündür.  

Kamera bloku

Həyatınızın gözəl anlarını yaxınlarınızla paylaşa bilməyiniz üçün Samsung Galaxy A73 modelinin arxa panelində təkmilləşdirilmiş kamera bloku yerləşdirilib. Gündəlik istifadə üçün 108 meqapikselli əsas modul təqdim edilib. Onun köməkliyi ilə gün işığı altında və gecə zamanı aydın və parlaq şəkillər əldə edəcəksiniz. İstənilən vəziyyətdə ideal kadrın yaradılması üçün kamera blokuna 12 meqapikselli geniş bucaqlı, 5 meqapikselli makro kameralar, 5 meqapikselli dərinlik sensoru əlavə edilib.

Ön paneldə yerləşən 32 meqapikselli kamera həm keyfiyyətli selfilərin yaradılmasına, həm də üz tanıma sisteminin dəqiq işləməsinə cavabdehdir. Əlavə olaraq bu modul 4K keyfiyyətində videolar rayada bilir və stabilizasiyaya malikdir.