Tez-tez verilən suallar

Kontakt aşağıdakı sifariş vermə üsullarını təklif edir:

1. Səbət vasitəsilə: Məhsulları seçdikdən sonra onları səbətə əlavə et, tərkibini yoxla və «Sifarişi rəsmiləşdir» düyməsini bas. Daha sonra bütün zəruri məlumatları doldurub «Sifarişi təsdiqlə» düyməsini basmalısan. Bundan sonra operatorumuz səninlə əlaqə saxlayaraq sifarişi qeydə alacaq.
2. LiveChat vasitəsilə: Çatı açdıqdan sonra bizə yaza bilərsən. Biz sənə seçimində kömək edəcəyik, bütün suallarına cavab verəcəyik və sifarişi rəsmiləşdirəcəyik.
3. Telefon vasitəsilə: *6060 nömrəsinə zəng edərək operatormuzdan məhsul haqqında məlumat ala və sifarişi operator vasitəsilə rəsmiləşdirə bilərsən.
4. Bir kliklə al: Bəyəndiyin məhsulun səhifəsində «1 kliklə al» düyməsini bas, telefon nömrəni qeyd et və ödəniş üsulunu seç. Daha sonra operatorumuz səninlə əlaqə saxlayaraq  detalları dəqiqləşdirəcək və sifarişi təsdiqləyəcək.

Sifarişiniz bu səbəblərə görə ləğv edilə bilər:

- anbarda məhsulun olmaması;
- çatdırılma üçün məlumatların səhv qeyd edilməsi;
- ödəmə ilə bağlı problemlər və ya üç uğursuz cəhddən sonra səninlə əlaqə qurmağın mümkün olmaması.

Kontakt aşağıdakı ödəniş üsullarını təklif edir:

1. Nağdsız ödəniş: Sifarişi onlayn olaraq bank kartı ilə həm saytda, həm də məhsulun çatdırılması zamanı və ya mağazada ödəmək mümkündür. Həmçinin, Apple Pay və Google Pay kimi rəqəmsal ödəniş xidmətlərindən də istifadə edə bilərsən.

2. Nağd ödəniş: Məhsulu həm mağazalarda, həm də çatdırılma zamanı nağd şəkildə ödəyə bilərsən.

3. Hissə-hissə ödəniş: Bizdə həm Kontakt-ın daxili hissə-hissə ödənişi, həm də bank kartı ilə hissə-hissə ödəniş mövcuddur. Saytda yalnız Birbank taksit kartı ilə hissə-hissə ödəniş etmək mümkündür. Mağazalarda və çatdırılma zamanı isə istənilən bank kartı ilə hissə-hissə ödəniş etmək olar.

Bəli, sifariş rəsmiləşdirildikdən sonra ödəniş üsulunu (kartdan nağda və ya əksinə) dəyişə bilərsən. Bunun üçün sifarişi qəbul edərkən bu barədə kuryerə məlumat vermək və ya əvvəlcədən *6060 nömrəsinə zəng edərək bu haqqda operatora bildirmək lazımdır ki, məlumat kuryerə ötürülsün.

Əgər məhsul mövcud deyilsə *6060 nömrəsinə zəng edə və ya LiveChat vasitəsilə bizimlə əlaqə saxlaya bilərsən. Biz məhsulun yenidən mövcud olacağı müddəti dəqiqləşdirəcəyik və satışa çıxarıldığı zaman sənə məlumat verəcəyik.

Sifariş rəsmiləşdirildikdən sonra operator səninlə əlaqə saxlayaraq ünvanı dəqiqləşdirəcək. Bu mərhələdə ünvanı dəyişmək mümkündür. Əgər sifariş artıq təsdiqlənibsə, ünvanı yeniləmək üçün *6060 nömrəsinə zəng etməlisən.

Çatdırılma müddəti bölgədən və məhsulun anbarda mövcudluğundan asılıdır. Bakı, Sumqayıt və Xırdalan üçün çatdırılma 2 iş günü ərzində həyata keçirilir, uzaq bölgələr üçün isə 3-14 gün aralığında dəyişir. Kampaniya dövründə və ya əlverişsiz hava şəraitində çatdırılma müddəti arta bilər.

Bəli, alışdan sonra mütləq fiskal çek təqdim olunur. Bu alış və ödənişi təsdiqləyən rəsmi sənəddir.

Əgər sənə sifariş etdiyin məhsul əvəzinə başqa bir məhsul çatdırılıbsa *6060 qaynar xətti vasitəsilə və ya saytda LiveChat üzərindən bizimlə əlaqə saxlaya bilərsən. Biz detalları dəqiqləşdirdikdən sonra qaytarılmanı təşkil edəcəyik. Məhsul qaytarıldıqdan sonra düzgün məhsul göndəriləcək və ya mağazada dəyişdirmək təklif olunacaq. Əgər dəyişdirmək mümkün olmazsa, ödəniş geri qaytarılacaq.

Məhsulun qaytarılması üçün *6060 nömrəsinə zəng edərək bu barədə bizə məlumat ver. Operator sənə bütün zəruri məlumatları təqdim edəcək və səni ən yaxın mağazaya yönləndirəcək. Mağazada məhsul texniki mütəxəssis tərəfindən yoxlanılacaq. Əgər məhsulda defekt aşkarlanarsa və ya o, bəyan edilmiş xüsusiyyətlərə uyğun gəlməzsə, sənə məhsulun dəyişdirilməsi və ya ödənişin geri qaytarılması təklif olunacaq. Əgər defekti dərhal aşkar etmək mümkün olmazsa, məhsul əlavə yoxlama üçün servis mərkəzinə göndəriləcək.

Məhsulun qaytarılması qanunvericiliyin tələblərinə uyğun olaraq həyata keçirilir.

Bəli, məhsulların əksəriyyətinə istehsalçı tərəfindən zəmanət təqdim olunur.

Qızıl Zəmanət məhsuldan istifadə zamanı yaranan qüsurları əhatə edir və müştəriyə məhsulu daha sərfəli şərtlərlə dəyişmək imkanı verir. Standart Zəmanət isə yalnız istehsal qüsurlarını əhatə edir.

Zəmanət+ Standart Zəmanətin müddətini uzadır, lakin şərtlərini dəyişdirmir. Hər iki zəmanət yalnız istehsal qüsurlarını əhatə edir.

Əgər aldığın məhsulla bağlı problem yaranıbsa və zəmanətdən istifadə etmək istəyirsənsə, sadəcə istənilən mağazamıza müraciət etməyin kifayətdir.

Kontakt-ın daxili hissə-hissə ödəniş xidməti, məhsulun kateqoriyasına və şirkətin mövcud kampaniya şərtlərinə uyğun olaraq, ödənişi 24 aya qədər bölməyə imkan verir. Bu halda sən birbaşa bizimlə müqavilə bağlayırsan.

Taksitlə ödəniş isə kredit bank kartın vasitəsilə həyata keçirilir. 

Məhsulu hissəli alışla aşağıdakı üsullarla  əldə etmək mümkündür:
1. Mağazada: Yalnız şəxsiyyət vəsiqəsini təqdim etməklə.
2. Onlayn: Ödəniş üsulu seçimində “Hissə-hissə ödəniş” seçərək.
3. Bir kliklə al: Ödəniş üsulu olaraq “Hissə- hissə al” seçərək.
4. LiveChat vasitəsilə: Operatora hissə-hissə ödəniş etmək istədiyini bildirərək.
5. Telefon vasitəsilə: Sifarişi rəsmiləşdirərkən operatora hissə-hissə ödəniş etmək istədiyini bildirərək.

Hissəli alışın rəsmiləşdirilməsi üçün yalnız şəxsiyyət vəsiqən tələb olunur. Yaşın 18-dən yuxarı olmalı və ödəmə qabiliyyətin təsdiqlənməlidir.

Maksimal hissəli alış məbləği hər bir alıcı üçün fərdi qaydada müəyyən edilir. Bu sənin ödəmə qabiliyyətin, mövcud kredit öhdəliklərin və kredit tarixçəndən asılıdır.

Bəli, quraşdırma, zəmanət xidməti və digər əlavə xidmətlər üçün də hissəli ödəniş rəsmləşdirə bilərsən.

Bəli, məbləğin bir hissəsini nağd və ya bank kartı ilə ödəyərək, qalan məbləği hissəli şəkildə ödəyə bilərsən.

Hissəli alış borcunu aşağıdakı üsullarla ödəmək mümkündür:

1. Kontakt mağazalarında kassada ödəniş etməklə.

2. Ödəniş sistemləri vasitəsilə: Modenis (Emanat), Mpay, Paysis (Epul), Payplus (GPP), Goldenpay (Hesabaz), Pashapay (Komtec) – Milliön.

3. Onlayn xidmətlər vasitəsilə: kassam.az, Katech, Azərpoçt.

4. Mobil tətbiqlər vasitəsilə: Birbank, ABB, Unibank, Leobank.

Hissəli alışla aldığın məhsulu qaytarmaq istədikdə, proses müqavilənin şərtlərindən və ödənişlərin statusundan asılı olacaq. Qaytarma təsdiqləndikdən sonra hissəli alış müqaviləsi ləğv edilir.