Yeni Galaxy modelini qarşılayın! Təqdim edilən Samsung Galaxy A33 smartfonu böyük AMOLED displeylə təchiz edilib. Exynos 1280 prosessoru interfeysin sürətli işləməsini təmin edir. Şəkillərin yaradılması üçün müasir kamera bloku və 13 meqapikselli selfi kamera mövcuddur. 

Görünüş və Displey 

Galaxy A33 möhkəm plastik korpusa malikdir. Cihazın gövdəsi güclü zərbələrə, suya və toza davamlıdır. IP67 standartı sayəsində smartfon əlinizdən hovuza düşsə belə daxili hissələri sudan qorunur. Yan tərəfdə səs və güc düymələri, üst hissədə mikrofon, 2 nanoSIM və 1 microSD kart üçün slot mövcuddur. Altda əsas mikrofon, stereo dinamik və USB Type-C üçün giriş yerləşdirilib. 

Super AMOLED displeyin parlaqlığı 800 nitə qədər artırılıb. Beləliklə, görüntünün detallığı və canlılığı sizi heyran edəcək. Ekran 90 Hz tezliyə malikdir. Üst hissədə danışıq dinamiki və 13 meqapikselli ön kamera yerləşir. Barmaq izi oxuyucusu displeyin daxilində quraşdırılıb. Skanerin işləməsi sürətli və dəqiqdir. Ekranın maksimal parlaqlığı 800 nitdir. Açıq hava şəraitində kontent rahat oxunur, videoları belə izləmək mümkündür. 

Prosessor və Batareya 

Samsung Galaxy A33 Exynos 1280 prosessor üzərində işləyir. Əməliyyat sistemi Android 12-dir. Prosessorun məhsuldarlığı sayəsində həm gündəlik istifadə, həm detallı və parlaq qrafikaya malik oyunları oynadığınız zaman mükəmməl nəticə təqdim edir. İstifadə zamanı ekran donmur, sensor toxunuşlara çevik cavab verir. Operativ yaddaş 6 GB-dır. Bu da tətbiqlərin tez işə salınmasına kömək edir. Şəxsi informasiyanın saxlanılması üçün 128 GB yaddaş təqdim edilib. 

Smartfon yüksək avtonomluğa malikdir. 5000 mAh həcmli batareyanın enerjini 2 gün istifadə üçün kifayət edir. Gün ərzində smartfondan tez-tez istifadə edirsinizsə bu model sizin üçündür. Prosessorun effektivliyi sayəsində smartfonun enerjisi daha səmərəli sərf edilir. Şəkil və videolar çəksəniz, yaxınlarınızla video zəng vasitəsilə söhbət etsəniz belə günün sonunda batareyanın enerjisi 40%-dan çox olacaq. 25 Vt adapter vasitəsilə sərf edilən enerjini sürətli bərpa edəcəksiniz. Galaxy A33-ü 0%-dan 100% qədər bərpa etmək üçün 1 saat lazım olacaq.  

Kamera Bloku 

Samsung brendinin istehsal etdiyi kameralar keyfiyyəti ilə məşhurdur. Galaxy A33 kamera blokunun imkanları peşəkar fotoqrafları belə təəccübləndirə bilər. Arxa paneldə 48 meqapikselli əsas, 8 meqapikselli geniş bucaqlı, 5 meqapikselli makro kameralar və 2 meqapikselli dərinlik sensoru daxildir. Əsas kamera optik stabilizasiya ilə təchiz edilib və 4K keyfiyyətində videolar çəkə bilir. Gündüzləri parlaq və canlı fotolar, gecə zamanı isə aydın və yüksək detallı kadrlar əldə edəcəksiniz. Ön kamera FullHD rejimində stabilizasiya ilə videolar yaradır. Bu modula çəkilən selfiləriniz daha parlaq və keyfiyyətli alınacaq.