2025/2026-cı ilin aktual smartfonlarının müqayisəsi: Hansı modeli seçməli?
Smartfon sənin elektron arsenalındakı ən vacib сihazdır. Həyatında demək olar ki, hər şey - iş, ünsiyyət, əyləncə, alış-veriş, pişiklərin gülməli videoları, xəbərlər və maliyyə məsələləri onun vasitəsilə həyata keçir.
Buna görə də sən smartfonunun etibarlı, rahat və funksional olmasını ən azı 3-4 il işləməsini, bütün ehtiyaclarını qarşılamasını, kiçik “donmalar” və ya ləngimələrlə əsəblərini pozmamasını istəyirsən. Amma qiyməti də “dünyanın bütün pulları” qədər olmasın.
Məhz belə bir ideya ilə biz 2025/2026-cı il smartfonlarının müqayisəsini apardıq. Məqaləmizdə 2025-ci ilin sonuna aid 10 top modelin ən vacib xüsusiyyətlərini və sərfəli alış üçün praktiki tövsiyələri təqdim edirik.
2025-ci ilin TOP-smartfonları: bizim reytinqimiz
İcmalımızın qəhrəmanları:
● iPhone 17 Pro Max - güzəştsiz maksimum;
● iPhone 17 - əlavə ödənişsiz prestij və funksionallıq;
● Samsung Galaxy S25 Ultra - əla kamera ilə güclü Android;
● Galaxy Z Flip7 - gündəlik üçün yığcam qatlanan model;
● Galaxy Z Fold7 - smartfonun ekranı kifayət etməyəndə, planşetin isə çox böyük olanda;
● Xiaomi 17 - klassik “öz puluna dəyən” model;
● OnePlus 15 - sürətli, avtonom, əlçatan;
● Redmi 15 5G - büdcə sinfində yaxşı batareyalardan biri;
● Redmi Note 14 5G - orta səviyyə qiymətinə top xüsusiyyətlər;
● Galaxy A56 - hər kəs üçün balanslaşdırılmış orta seqment.
Bu seçim bütün ehtiyacları “A-dan Z-yə” əhatə edir. Burada premium modellər, münasib qiymətli flaqmanlar, orta seqment və büdcəli, lakin hələ də güclü cihazlar var. Büdcən və ehtiyacların nə olursa olsun, bu siyahıda öz ideal smartfonunu mütləq tapacaqsan.
Nəyi müqayisə edirik və bu niyə vacibdir?
Prosessor tezliyi, operativ yaddaş həcmi və batareya tutumu kimi baza parametrlərini rəsmi texniki göstəricilərdən və çoxsaylı peşəkar icmallardan tapa bilərsən. Lakin nəzəriyyəyə dərindən bələd olmaq istəməyən adi istifadəçi üçün bunlar o qədər də informativ deyil. Buna görə biz daha praktiki məqamlara diqqət yetirəcəyik:
● Ekran parlaqlığı - çöldə mətnin oxunması və HDR videoların (səhnələrin) keyfiyyətli görünüşü;
● PWM (ŞİM) - titrəmə tezliyi və onun həssas gözlərə təsiri;
● Prosessor trottlinqi - yüksək yüklənmə zamanı gücün düşməsi;
● Kameraların səviyyəsi - real çəklişdə zəif və güclü tərəflər;
● Ekran vaxtı - laboratoriya göstəriciləri deyil, real batareya dözümlülüyü;
● Şarj sürəti - batareya tutumundan daha vacib olan rəqəm;
● Rabitə keyfiyyəti - aktual simsiz standartların dəstəyi;
● Yenilənmə müddəti - smartfonun komfortlu istifadə müddətinin real göstəricisi.
Məlumatlarımızın əksəriyyəti Notebookcheck, Geekbench, DxOMark, Wired və digər nüfuzlu texnoloji portalların müstəqil müqayisələrindən götürülüb.
Ən yaxşı smartfonlar 2025/2026: Praktiki xüsusiyyətlərə görə müqayisə
Displeylər və form-faktorlar
Burada matris növü (AMOLED/OLED/IPS), tezlik, nitlərlə parlaqlıq, PWM, qatlanan modellər üçün isə form-faktorun rahatlığı və daxili ekran üçün risklər vacibdir.
|
Model |
Ekranın diaqonalı, düym |
Texnologiya |
Yeniləmə tezliyi, Hz |
Pik parlaqlıq, nit (ölçmə nəticələri) |
PWM (ŞİM) tezliyi, Hz |
|
iPhone 17 Pro Max |
6.9 |
LTPO OLED |
120 |
2344 |
240 |
|
iPhone 17 |
6.3 |
OLED |
120 |
2093 |
240 |
|
Samsung Galaxy S25 Ultra |
6.9 |
LTPO OLED |
120 |
2613 |
240/480 |
|
Samsung Galaxy Z Flip7 |
6.9 + 4.1 |
Foldable LTPO OLED |
120 |
1804/1241 |
240/480 |
|
Samsung Galaxy Z Fold7 |
8.0 + 6.5 |
Foldable LTPO OLED |
120 |
2570/2600 |
240/480 |
|
Xiaomi 17 |
6.3 |
LTPO AMOLED |
120 |
3339 |
120/2160 |
|
OnePlus 15 |
6.78 |
LTPO AMOLED |
165 |
1800 |
120/360 |
|
Redmi 15 5G |
6.9 |
IPS LCD |
144 |
692 |
- |
|
Redmi Note 14 5G |
6.67 |
AMOLED |
120 |
1147 |
60/900 |
|
Samsung Galaxy A56 |
6.7 |
AMOLED |
120 |
1399 |
240/480 |
Ən yaxşı ekranlı smartfonları seçirik:
● Klassik form-faktorda iPhone 17 və Xiaomi 17 parlaq işıqda ən rahat istifadəni təmin edir və ən yaxşı HDR təsviri nümayiş etdirir. Xiaomi-də isə parlaqlıq azaldıqda PWM (ŞİM) tezliyinin düşməsi müşaidə olunur. Onu əllə azaltsan gözlərinə təsir edəcək.
● Mobil oyunlar oynuyanlar üçün güclü “aparatı” və 165 Hz-lik sürətli ekranı ilə OnePlus 15 tövsiyə oluna bilər. ŞİM-ə qarşı çox həssasansa, Samsung Galaxy S25 Ultra və ya zövqünə uyğun iPhone seçmək daha etibarlıdır.
● Galaxy Z Flip7 və Z Fold7 müqayisəsində hər qatlanan modelin öz üstünlüyü var. Flip klassik form-faktora daha yaxındır və gündəlik istifadə rahatlığında qalib gəlir. Fold isə güclü planşeti əvəz edə biləcək mobil telefondur.
● Gözlər üçün ən rahatı - 2025-ci ildə nadir tapılan ŞİM-siz IPS ekranlı Redmi 15 5G modelidir. Lakin az parlaqlığına görə geridə qalır. OLED ekranlı daha balanslı seçim Galaxy A56-dır.
Kameralar və video
Əlbəttə ki, bu seqmentdə əsas rəqabət iPhone 17 Pro Max vs Galaxy S25 Ultra arasındadır. Lakin icmalın digər cihazlarını da görməzdən gəlmək olmaz. Meqapiksellərə deyil, real istifadə zamanı kameraların zəif və güclü tərəflərinə bax.
|
Model |
Güclü tərəfləri |
Zəif tərəfləri |
|
iPhone 17 Pro Max |
Heç bir ilkin tənzimləmə tələb etməyən videolar, gecə çəkilişi, həmçinin səyahət, yemək və bloqinq kimi populyar çəklişlər üçün idealdır |
İşıq parıltıları və əks-işıq (kontra-işıq) zamanı yaranan problemlər |
|
iPhone 17 |
Daha sadə çəkiliş prosesi və yaxşı optik stabilizasiya, lakin Pro Max ilə müqayisədə daha az funksional |
Zoom (yaxınlaşdırma) fotolarında aşağı detallıq və video keyfiyyətinin nisbətən zəif olması |
|
Samsung Galaxy S25 Ultra |
Fərqli çəkilişlər üçün xüsusi tənzimləmələr mövcuddur; periskopik zoom sayəsində 10 qatdan çox yaxınlaşdırma ilə keyfiyyətli gündüz fotoları çəkmək mümkündür |
Gecə fotolarının aşağı keyfiyyəti (xüsusilə yaxınlaşdırma zamanı) və əks-işıq (kontra-işıq) parıltıları ilə bağlı problemlər |
|
Samsung Galaxy Z Flip7 |
Flex çəkiliş rejimi - yarıqatlanmış vəziyyətdə telefon özü ştativ rolunu oynayır |
Zoom imkanları klassik flaqman modellərlə müqayisədə daha zəifdir |
|
Samsung Galaxy Z Fold7 |
Çoxsaylı istifadə imkanı var |
Kamera flaqman səviyyəsinə çatmayan orta göstəricili bir modeldir |
|
Xiaomi 17 |
Qiymətinə nisbətən yüksək foto keyfiyyəti, qənaətbəxş AI rejimi |
Bir çox çəklişdərdə rəng dolğunluğu çoxdur |
|
OnePlus 15 |
Dəqiq avtorejim və keyfiyyətli gündüz fotolar |
Modullar arası keçid zamanı tənzimləmələr itir və gecə çəkilişi orta səviyyədədir |
|
Redmi 15 5G |
Standart kamera - keyfiyyətli fotolar |
Gecə çəkilişi, zoom və video keyfiyyəti aşağıdır |
|
Redmi Note 14 5G |
Standart kamera |
Gecə çəklişi/zoom/video |
|
Samsung Galaxy A56 |
Orta səviyyəli çəkiliş imkanları - öz qiymətinə görə balanslaşdırılmış keyfiyyət təklif edir |
Zəif gecə çəkilşi və video |
Ən yaxşı kameralı smartfonlar:
● “Cibdən çıxar və çək” ekspres çəkiliş rahatlığında iPhone qalib gəlir. Gündüz vaxtı OnePlus 15 və hətta Galaxy A56 kameralarından qənaətbəxş keyfiyyət almaq olar, lakin gecə çəklişdərdə onlar bir qədər zəyifdir.
● Peşəkar foto üçün ən yaxşı smartfonlar - Samsung Galaxy S25 Ultra və unikal “ştativ rejimi” ilə Z Flip7-dir. Xiaomi 17-nin tənzimləmələri ilə də oynamaq olar, baxmayaraq ki, o, tez-tez rəng dolğunluğunu süni şəkildə artırır.
Məhsuldarlıq səviyyəsi
Telefonların müqayisəli icmalında biz əsas diqqətimizi praktiki məqamlara - konkret üstünlüklərə və cihazların ağır yüklənmələrə qarşı dözümlülüyünə yönəldəcəyik.
|
Model |
Prosessor/Səviyyə |
Praktiki vurğular |
Trottlinq (yükləmə zamanı gücün düşməsi) |
|
iPhone 17 Pro Max |
Apple A19 Pro/Flaqman |
Stabil çəkiliş və video montajı |
1%-ə qədər |
|
iPhone 17 |
Apple A19/Subflaqman |
Balanslaşdırılmış gündəlik istifadə təcrübəsi |
2–3% |
|
Samsung Galaxy S25 Ultra |
Snapdragon 8 Elite/Flaqman |
İş və əyləncə üçün geniş imkanlı rejim |
45% |
|
Samsung Galaxy Z Flip7 |
Exynos 2500/Subflaqman |
Yüngül istifadədə rahat işləmə |
45–50% |
|
Samsung Galaxy Z Fold7 |
Snapdragon 8 Elite/Flaqman |
Eyni anda bir neçə tətbiqi açmaq və işlətmək |
45–50% |
|
Xiaomi 17 |
Snapdragon 8 Elite Gen 5/Flaqman |
Oyunlar və ağır tətbiqlər |
25–30% |
|
OnePlus 15 |
Snapdragon 8 Elite Gen 5/Flaqman |
Bütün istifadə ssenarilərdə maksimal sürət |
35–40% |
|
Redmi 15 5G |
Snapdragon 6s Gen 3/Büdcə+ |
Büdcə qiymətinə orta səviyyəli məhsuldarlıq |
1%-ə qədər |
|
Redmi Note 14 5G |
Dimensity 7025/Orta |
Ortadan yüksək sürət |
3–5% |
|
Samsung Galaxy A56 |
Exynos 1580/Orta |
Ümumi istifadə rahatlığı |
5–10% |
Gücünə görə smartfon seçimi:
● iPhone - ekstremal yüklənmə altında stabil işləməyə görə liderdir. Şirkət "Bionic" seriyasının səhvlərini nəzərə alıb və çiplərə ən yeni neyroprosessorları inteqrasiya edib.
● Samsung flaqmanları artıq yüklənmə zamanı gücünün yarısını itirir. Orta dərəcəli yüklənmə zamanı bunu hiss etməyəcəksən, lakin digər halda smartfon ləngiməyə başlayacaq. Bu, həmçinin OnePlus və Xiaomi üçün də keçərlidir.
● Orta və büdcəli modellər məhsuldarlıqdakı təbii məhdudiyyətlər səbəbindən daha az trottlinq edir. Onların prosessorları o qədər də qızmır, lakin onlardan qeyri-adi bir performans gözləməyə dəyməz.
Avtonomluq
Daimi hərəkətdə olanlar üçün bu, müqayisənin ən vacib hissəsidir. Burada biz tamamilə real fasiləsiz iş saatlarına və sürətli şarj dəstəyinə üstünlük veririk.
|
Model |
Avtonom iş vaxtı (Wi-Fi ilə veb-sörfinq) |
Şarj olma vaxtı |
|
iPhone 17 Pro Max |
28 saat 36 dəq. |
85 dəq. (0–100%) |
|
iPhone 17 |
20 saat 03 dəq. |
43 dəq. 0–80% |
|
Samsung Galaxy S25 Ultra |
22 saat 11 dəq. |
30 dəq. 0–65% |
|
Samsung Galaxy Z Flip7 |
19 saat |
95 dəq. 0–100% |
|
Samsung Galaxy Z Fold7 |
15 saat |
83 dəq. 0–100% |
|
Xiaomi 17 |
30 saat 55 dəq. |
40 dəq. 0–100% |
|
OnePlus 15 |
30 saat |
60 dəq. 0–100% |
|
Redmi 15 5G |
21 saat 07 dəq. |
180 dəq. 0–100% |
|
Redmi Note 14 5G |
13 saat 03 dəq. |
55 dəq. 0–80% |
|
Samsung Galaxy A56 |
19 saat 59 dəq. |
77 dəq. 0–100% |
Avtonomluq üzrə ən yaxşılar:
● Xiaomi 17 - həm iş vaxtı, həm də şarj sürəti baxımından öndədir. Əgər flaqman funksiyalara malik sadə bir telefon axtarırsansa, daim əlaqədə qalmaq üçün bu ən yaxşı fürsətdir. İkinci yerdə - OnePlus 15.
● iPhone 17 Pro Max-ın şarjı bir gündən çox istifadə imkanı verir, lakin iPhone 17 və Samsung Galaxy S25 Ultra modellərini gün ərzində şarj etməlisən. Qatlanan modellər avtonomluq baxımından orta seqmentlə eyni səviyyədə qərarlaşıblar.
● Reytinqin anti-qəhrəmanı - Redmi 15. Şarj sürəti çox zəyifdir.
Digər xüsusiyyətlər: başqa nə vacibdir
Xiaomi 17 vs iPhone 17 müqayisəsində təkcə texnikanı deyil, həm də proqram xüsusiyyətlərini və hətta bu brendlərin digər cihaz ekosistemlərini də nəzərə almaq lazımdır. Əsas məqamları qeyd edə bilərik:
|
Brend |
PT və onun üstünlükləri |
Ekosistemin xüsusiyyətləri |
|
Apple |
iOS - 5-7 ilə qədər stabil yenilənmələr, güclü məxfilik və servislərin inteqrasiyası |
AirDrop/Continuity, iCloud sinxronizasiyası, Apple Watch və AirPods-un heç bir tənzimləmə olmadan dərhal qoşulması, MagSafe aksesuarları |
|
Samsung |
One UI - zəngin funksionallıq, 7 ilə qədər yenilənmə dəstəyi, rahat çoxtapşırıqlı (multitasking) iş rejimləri və güclü enerji qənaəti tənzimləmələri |
DeX (smartfon mini-PK kimi), Galaxy Watch/Buds/Tab ilə sıx əlaqə, böyük ekranlar (Fold) üçün xüsusi proqram ssenariləri |
|
Xiaomi |
HyperOS - çevik tənzimləmələr, rejimlər arası sürətli keçid, gündəlik istifadə üçün rahat sistem funksiyaları və 3–5 illik yenilənmə dəstəyi |
|
|
OnePlus |
OxygenOS - sürətli interfeys, minimum artıq detal, axıcılıq və sürət üzərində xüsusi vurğu, 5 illik yenilənmə dəstəyi |
Universal Android uyğunluğu, aksesuar ekosistemi adətən daha sadədir, lakin brendə bağlılıq azdır |
● Rabitə. Apple və Samsung flaqmanları, OnePlus və Xiaomi tam texnologiya təchizatı təklif edir - eSIM, Wi-Fi 7, UWB. Redmi 15 və ya Samsung A56 bir pillə aşağıdadır, lakin onlar da Wi-Fi 5GHz və 5G şəbəkələri ilə işləyirlər. Ümumi olaraq, icmalımızda rabitə baxımından uduzan flaqman yoxdur.
● Etibarlılıq. iPhone, Galaxy S25, Xiaomi və OnePlus su və tozdan qorunma üçün IP68 korpusuna malikdir. Qatlanan modellərdə bu, cəmi IP48-dir (su sıçramalarına qarşı). Galaxy A56 orta səviyyə üçün qeyri-adi olan IP67 qorumasını təklif edir, Redmi-də isə belə bir sertifikat yoxdur - ona uyğun çexol seçmək daha etibarlıdır.
Nəticə: Tələblərin üçün hansı model uyğundur?
Bu qədər məlumata sahib olaraq, 2025-ci ilin TOP smartfonlarını müqayisə edib dəqiq tövsiyələr verə bilərik:
|
Model |
Nə üçün bu smartfon |
İstifadə ssenarisi |
Əsas arqument |
|
OnePlus 15 |
Sadə OS sistemi ilə sürətli Android |
Oyunlar və dinamik videolar |
Ən yaxşı prosessor, 165 Hz ekran |
|
iPhone 17 Pro Max |
Mükəmməl avtonomluq, güclü video çəkilişi |
Foto/video və uzun iş günü üçün iOS-flaqman |
Bir gündən çox avtonom iş müddəti |
|
Samsung Galaxy S25 Ultra |
Zoom imkanlı universal Android |
Kamera + “zəng” |
Periskop zoom, 7 ilə qədər yenilənmə |
|
Samsung Galaxy Z Fold7 |
Məhsuldarlıq üçün keyfiyyətli qatlanan telefon |
İş, yazı və çoxtapşırıqlı rejim üçün ideal böyük ekran |
Nəhəng ekran, DeX ekosistemi |
|
Samsung Galaxy Z Flip7 |
Qatlanan yığcam smartfon modeli
|
Gündəlik istifadə üçün rahatlıq |
2025/2026-cı illər üçün nadir rast gəlinən qatlanan model |
|
Xiaomi 17 |
Ən yüksək avtonomluq |
İstənilən şəraitdə rahat istifadə |
Ən yüksək ekran parlaqlığı, ən sürətli şarj |
|
iPhone 17 |
Artıq ödəniş etmədən baza iPhone modeli |
Mükəmməl gündəlik istifadə təcrübəsi |
Öz qiymətinə görə ən yaxşı kamera |
|
Redmi 15 5G |
Qənaətbəxş xüsusiyyətli büdcəli model |
Əlçatan həll |
Uzunmüddətli iş, ŞİM-siz ekran, 5G dəstəyi |
|
Samsung Galaxy A56 |
Balanslaşdırılmış orta seqment |
İstifadəsi rahat smartfon |
Parlaq ekran, IP67 qoruması |
|
Redmi Note 14 5G |
Keyfiyyətli ekrana malik orta seqment model |
Münasib qiymətə AMOLED və 5G |
Parlaq ekran, rahat PWM(ŞİM) tezliyi, sürətli şarj |
Qeyd olunan modellərin hər birini kontakt.az saytından Bakı və Azərbaycanın digər bölgələrinə çatdırılma ilə əldə edə bilərsən. Biz sənə rəsmi zəmanətli və bütün lazımi servisləri dəstəkləyən smartfonlar təklif edirik.
