Yeni smartfon əldə etməyi planlaşdırırsınızsa seçiminizi Samsung Galaxy A33 modelində dayandırın. Super AMOLED displey görüntünü keyfiyyətli ötürür. Smartfonda güclü kameraların olması sizin üçün vacibdirsə bu model sizin üçündür. 

Görünüş və Displey 

Yeni Galaxy sudan və tozdan IP67 standartı ilə qorunur. Smartfon ağ rəngdə təqdim edilib. Korpus plastikdəndir. Yan tərəfdə səs və güc düymələri, üst hissədə mikrofon, 2 nanoSIM və 1 microSD kart üçün slot mövcuddur. Altda əsas mikrofon, stereo dinamik və USB Type-C üçün giriş yerləşdirilib. 

Galaxy A33 yüksək baxış keyfiyyətini nümayiş edən Super AMOLED displeylə təchiz edilib. 90 Hz ekran tezliyi dinamik səhnələrdə belə görüntünün detallığını qoruyur.  Ekranın üst hissəsində danışıq dinamiki və 13 meqapikselli ön kamera yerləşir. Barmaq izi oxuyucusu displeyin daxilində quraşdırılıb. Skanerin işləməsi sürətli və dəqiqdir. Ekranın maksimal parlaqlığı 800 nitdir. Açıq hava şəraitində kontent rahat oxunur, videoları belə izləmək mümkündür. 

Prosessor və Batareya 

Galaxy A33 qiymeti və imkanları ilə seçilir. Smartfonun sürətini və məhsuldarlığını müasir prosessor artırır. Exynos 1280 prosessorun köməkliyi ilə smartfon həm gündəlik istifadə, həm detallı və parlaq qrafikaya malik oyunları oynadığınız zaman mükəmməl nəticə təqdim edir. İstifadə zamanı ekran donmur, sensor toxunuşlara çevik cavab verir. Operativ yaddaş 6 GB-dır. Bu da tətbiqlərin tez işə salınmasına kömək edir. Şəxsi informasiyanın saxlanılması üçün 128 GB yaddaş təqdim edilib. 

Batareya 5000 mAh tutumundadır. Prosessorun effektivliyi sayəsində smartfonun enerjisi 2 gün istifadə üçün kifayət edir. Şəkil və videolar çəksəniz, yaxınlarınızla video zəng vasitəsilə söhbət etsəniz belə günün sonunda batareyanın enerjisi 40%-dan çox olacaq. 25 Vt adapter vasitəsilə sərf edilən enerjini sürətli bərpa edəcəksiniz. Galaxy A33-ü 0%-dan 100% qədər bərpa etmək üçün 1 saat lazım olacaq.  

Kamera Bloku 

Parlaq şəkillərinizlə yaxınlarınızı təəccübləndirə bilməyiniz üçün Samsung öz smartfonunu güclü kamera bloku ilə təchiz edib. Arxa paneldə 48 meqapikselli əsas, 8 meqapikselli geniş bucaqlı, 5 meqapikselli makro kameralar və 2 meqapikselli dərinlik sensoru daxildir. Əsas kamera optik stabilizasiya ilə təchiz edilib və 4K keyfiyyətində videolar çəkə bilir. Gündüzləri parlaq və canlı fotolar, gecə zamanı isə aydın və yüksək detallı kadrlar əldə edəcəksiniz. Ön kamera FullHD rejimində stabilizasiya ilə videolar yaradır. Bu modula çəkilən selfiləriniz daha parlaq və keyfiyyətli alınacaq.