Samsung Galaxy S22 Ultra yaşıl rəngdə təqdim edilib. Müasir Exynos prosessoru smartfonu daha funksional edib. Böyüdülmüş batareya sayəsində cihazın avtonom işləmə müddəti artırılıb. 

Görünüş 

Galaxy S22 Ultra möhkəm korpusla təchiz edilib. IP68 qorunma dərəcəsi daxili hissələri sudan və tozdan etibarlı şəkildə qoruyur. Korpusun çərçivəsi alüminiumdan hazırlanıb. Ön və arxa panel şüşədəndir və Gorilla Glass Victus ilə örtülüb. Bu unikal qat panelləri cızıqların əmələ gəlməsindən qoruyur. 

Dynamic AMOLED 2X displey sayəsində istifadədən həzz alacaqsınız. Parlaq rəngləri və yüksək detallığı ilə seçilən ekran HDR10+ dəstəkləyir. Skrollinq zamanı ekranın görüntüsü donmayacaq. Bunun səbəbi ekran tezliyinin 120 Hz qədər artırılması ilə bağlıdır. HDR kontent üçün ekranın maksimal parlaqlığı 1750 nit, adi istifadə zamanı isə 1200 nit təşkil edir. Nəticədə, gün işığı altında kontent aydın və detallı təsvir edilir.

Samsung brendi ilk dəfə olaraq Galaxy S modelinin korpusuna S-Pen quraşdırıb. Elektron qələm korpusun alt hissəsində yerləşdirilib. Beləliklə, Samsung Notes tətbiqində qeydlər yazmaq, sketçlər çəkmək, smartfonu idarə etmək lazım olanda qələm daim əlinizin altında olacaq. Ekranın hərəkətlərinizə çevik cavab verməsi sayəsində qeydlərinizi asanlıqla yazacaqsınız, adi qələmlə kağız üzərində yazdığınız kimi. 

Məhsuldarlıq 

Galaxy S22 Ultra modelində Exynos 2200 prosessoru quraşdırılıb. Smartfonun məhsuldarlığını artırmaqla yanaşı yeni çip kamera sistemini təkmilləşdirib və enerjinin sərf edilməsini daha effektiv edib. Bundan başqa, mobil oyunları oynamaqdan zövq alacaqsınız. Ağır qrafikaya malik oyunlarda belə görüntü parlaqlığını və detallığını qoruyur. Prosessor qrafikanın və animasiyaların keyfiyyətini artırıb.  

5000 mAh tutumlu batareya daha çox əyləncə üçün imkan yaradır. Musiqi dinləyin, film izləyin, gününüzü dostlarınızla paylaşın - smatrfonun enerjisi tükənməyəcək. Aktiv istifadə zamanı belə cihazın enerjisi evinizə qayıdana kimi sizə kifayət edəcək. 45 Vt adapterin köməkliyi ilə tamamilə tükənmiş enerjini 30 dəqiqəyə 50% qədər bərpa etmək olar. Cəmi 1 saata smartfon 100%-dək şarj edilir. 

Kameralar 

Arxa paneldə yerləşən kamera bloku ilə yeni təəssüratlara hazırsınız. 108 meqapikselli əsas kamera zəif işıq şəraitində belə aydın və detallı şəkillər çəkə bilir. Gün işiğı altında isə bu modul peşəkar keyfiyyətli kadrlarla hər kəsi heyran edəcək. İmkanlarınızı genişləndirmək üçün arxa panelə 12 meqapikselli ultra geniş bucaqlı, 3X zoom-a sahib 10 meqapikselli telefoto və 10 meqapikselli 10X zoom telefoto kameraları yerləşdirilib. 40 meqapikselli ön kamera ilə parlaq selfilər əldə edəcəksiniz.